ڤیدیۆ.. کابرایگ یەهودی لە بنچینەی عراقی سەدان گورانی عەرەوی ئەرا عبری ئەڵگەردان کەێد
شەفەق نیوز/ لە تەقەلایگ تاکانە ئەرا نزیکەوکردن ناوبەین گەلەیل، لەتیف بار تۆڤ لە بنچینەی عراقی، دەیان ساڵ لە تەمەن خوەی ئەرا ئەڵگەردان گورانی مەزنەیل گورانی عەرەوی کرد، جۊر ئوم کەلسوم و محمد عەبدولوەهاب و عەبدولحەلیم و فەرید ئەترەش و سەلیمە موڕاد و نازم غەزالی.
بار تۆڤ دەیان لە گورانیەیل ئەو هونەرمەنەیلە ئەڵگەردان کرد، و ئەرا ماڵپەڕ "ئیسرائیل وە عەرەوی" وت: تا ئیسە ٥ کتاو ئەرا ئەڵگەردان گورانی چاپ کریاگە.
بار تۆڤ لە لە ساڵ ١٩٣٣ لە بەغداد لەداڵگبۊیە، وەگەرد خیزانەگەی هەکاتی فرەی یەهودەیل عراق دۊای پۊچەڵکردن رەگەزنامەیان لە ساڵ ١٩٥١ وەرەو ئیسرائیل کووچ کرد.
لە ئیسرائیل زوان عەرەوی و ئابووری لە زانکۆی عبری خوەنست، و چەن پۆستیگ لە وەزارەت دارایی لە حکومەت ئیسرائیل وەرگرد.
دەسکردە ئەڵگەردان گورانیەیل عەرەوی ئەرا عبری، باوجی وەزۊ کتاوەیلی بۊنە بنەمایل گرنگیگ ئەرا هەر کەسیگ ئیسرائیلی ک بخوازێد لەبان گورانیەیل عەرەوی بچڕێد یا بژەنید.
