دۊیای ٣٣ ساڵ لە رفیانی.. وەیاد هۊرمان مناڵیی رسێدە داڵگ خوەی
2022-01-02T07:16:41+00:00
شەفەق نیوز/ کابرایگ چینی، تۊنست وە نەخشەی ئاوایەگەیان، ک لەیاد هۊرمان مناڵیی مەنیە، دۊیای زیاتر لە ٣٠ ساڵ لە رفیانی، تۊنست داڵگی پەیا بکەێد.
جینگوی لە تەمەن چوار ساڵان بۊی، هەنای کابرایگ دۊیری پە ماڵ باوگی کرد، و فرووشتەی ئەر چەتەیگ بازرگانی وە زاڕوو کەێد.
لە ٢٤ کانوون یەکەم گوزەشتە، جینگوی وە دەس خوەی بەخشی ئاوایەگەیان کیشا و لەبان ئەنتەرنێت بڵاوی کرد، و پۆلیس نووڕستە نەخشەگە وەرانەور ئاواییگ ک وەرجە زیاتر لە ٣٠ ساڵ مناڵیگ لەناوی رفیاگە، تا ئەوەنە ئەو کابرای رفیاگە ماڵ خوەی کردە دی، و ئەرا داڵگی گلەو خوارد.
