دۊیای گەزین چەن کەسیگ.. سەگ نوویگ لە کۆشک چەرمگ

شەفەق نیوز/ تۊتگ نوویگ لە چین پۆلیسی (شوان ئەڵمانی) لە باخچەی باشووری ماڵ چەرمگ دیار دا، وەرجەیە ئاشکرای ناسنامەی ئەو سەگ نووە بکریەێد.    

قسەسکەر وەناو یەکەمین خانم ئەمریکا ئەرا تووڕ " سی ئێن ئێن" وت: سەرۆک جۆ بایدن و یەکەمین خانم جیل بایدن سەگ نوویگ ئەرا ئەرا خیزانیان هاوردن.    

مایکڵ لاروزا سکرتێر رووژنامەوانی جیل بایدن وت: تۊتگەگە ناوی  "كۆماندەر"ە، و دیاری لەداڵگبۊین سەرۆک بۊیە لە جیمس بایدن برای و سارەی ژنی.       

وەرجەیە سەگیگ تر وەناو  "مايجور" لە ماڵ چەرمگ بۊی، باوجی دوو جار کەسەیلیگ لە کارمەنەیل ئەو شۊنە گەزێد، تا دۊری خستن.