دۊای ٢٥ رووژ لە دووزەق ئەمازۆن.. دوو مناڵ قورتار بوون
شەفەق نیوز/ دۊای وڵبۊنیان تا ماوەی ٢٥ رووژ لە دارسانەیل ئەمازۆن، دوو مناڵ لە تەمەن هەفت و نۆ ساڵان پەیا کریا، و لە ورسگی فرەیگ بۊن، ک ئی ماوە تەنیا میوەی ئەو درەختەیلە خواردنە.
گانواریو کارنیرو و دا کونیا نیتو، ک هەمانهەنکار تەندروسیە لەناوچەی ماناوس پایتەخت ویلایەت ئەمازۆن، ئەرا ئاژانس فڕانس پڕس وت: دوو مناڵەگە گلوکو ٧ ساڵان، و گلیسن ٩ ساڵان، یەکیگ لە کەسوکارەیلیان مەوقەی مینەکردن چیلگ، وە دۊری ٣٤ کیلومەتر لە شۊن گومابۊنیان پەیایان کرد، و زیان لە بەدخوەراکی و.هشکی سەختیگ داشتن.
ئەو وەرپرسە وت: ئیسە ئەو دەو مناڵەگە چاخ بۊنە و رخیان نەمەنیە، دۊای وەرگردن چەودێری تەندروسی. ئەو دوو برا، لە ١٨ی شوبات گوزەشتە گوما بۊنە، ک ئەرا راوکردن مەلۊچگ لەناو دارسانەگە لە ناوچەی مانیکوری دەرچینە.
کانیرو دیاری کرد ک ئەو دوو مناڵەگە لە مەوقەی وڵبۊنیان لەناو دارسانەگە ئاو واران و دەریاچەیلە بووشینە، و درەخت "سورفا" خواردنە.
