ئەژدیھا پیچ خوەێدە ژنیگ تایلاندی تا ماوەی دوو ساعەت
شەفەق نیوز/ لە رویداویگ دڵتەزن، پولیس تایلاندی دویای تەقەلای فرەیگ، توەنست ژنیگ رزگار بکەێد کە ئەژدیھای گەپیگ پیچ خواردە دەوری، و تا زیاتر لە دوو ساعەت ژنەگە تاسان.
ئەو ژنە لە تەمەن ٦٤ ساڵە، وەناو ئەروم، لەناو ماڵ خوەی لە دەورگرد بانکوک چشتەیل شووردیاد، وەناکاوەو چشتیگ پای گەزی.
ئەژدیھا ژنەگە رمانە زەوی، کە پولیس وت: ژنەگە تا ماوەی دوو ساعەت تەقەلای فرەیگ دا تا خوەی لە پیچ مارەگە قورتار بکەێد.
ژنەگە دەسکردە هاوار، وەلێ ماوەیگ وەپی چگ تا یەکیگ لە هاوسایلی دەنگ هاواری ژنەڤت، و پەیوەندی وە پولیس کرد.
ئەفسەر پولیس فرا ساموت لە باشوور بانکوک وت: هەنای رەسیمن دیمن کە ئەژدیھای گەپیگ پیچ خواردیەسە ژنەگەو.
پولیس تا نزیکەی نیم ساعەت وەپی چگ تا بتوەنێد ژنەگە لەو ئەژدیهای قورتار بکەێد، و دویای ئەوە ئەرا خەسەخانە کلی کرد، و ئەژدیھا کە دویای ئەوە لەدەسیان مەرەقەز بوی ژەهر نیەرێد، و پیچ خوەی دەێدە دەور نەیچرەگەی تا تاسیەێد، ئیجا قویتی دەێد.
