خوەیکوشتن شاجوان ئەمریکا
شەفەق نیوز/ " چيسلي كريست" ئەو خانم ئەسمەرە ک لە ٢٠١٩ بۊێە خاوەن نازناو شاجوان ئەمریکا، لەقات ٢٩ لە تەلاریگ وەناو Orion لە ناوچەی مانهاتن خوەی خستە خوار، و وەوجۊرەگ پۆلیس وت خوەی کوشتگە.
وەگورەی تووڕ تەلەڤزیۆن Fox New ئەمریکی، ئەو خانمە Cheslie Kryst لە تەمەن ٣٠ ساڵان پارێزەر وەرین بۊیە، و وەرجەوە نمایشکار دڵنگ و پێشکەشکار بەرنامەیل تەلەڤزیۆنی کردگە، و لە شاجوان گەردوون نۊنەر ئەمریکا بۊیە، باوجی دەسەگە کەسیگ تر پەسەن کردگە.
کریست خاوەن دکتۆرای مافە، و هەمیش ماستەر ئیدارەی کارونار لە زانکۆی ویک فۆرست دیرێد، و خوەی خەڵک ویلایەت کارۆلینای باکوورە.
دۊێەکە، ریخریاگ شاجوان گەردوون پرسە وسەرەخوەشێ ئەرای کرد،.و هەمیش کۆمەڵەی شاجوان ئەمریکا لە بەیاننامیگ هاوبەش وت: یەکیگ لە زیرەکترین و گەرمترین و دڵپاکترین کەس بۊی، و شانازی ناسینی داشتیمن، و بچیادە ناو هەر ژووریگ رووشنی کردیاد.
