خوەنستنیگ لە كتاو سایکۆلۆژیای جەماوەر
![خوەنستنیگ لە كتاو سایکۆلۆژیای جەماوەر](https://media.shafaq.com/media/arcella/1699255902821.jpg)
ئی کتاوە وە یەکیگ لە دیارترین بەرهەمە سەرەتاییەیل دریەێدە قەڵەم، لەبان دەروینناسی بڕەیل، کە هیمان تا ئمڕوو، جویر سەنگ بنەڕەت فامستن زانستیە لە رەفتار بڕەیل مەردم.
لێ بۆن لەی کتاوە هویر داهێنەر خوەی خەێدە روی کە هەناێ تاکە کەسەیل وەبڕەو گردەو بوون، لە رەفتاریان تەواو جیاوازەو بوون.
لەناو بڕیگ مەردم، تاکە کەسەیل لە ناسنامەیگ جەماوەری یەکەو گرن، کە لێ بۆن وە "رووح جەماوەری" ناوی نەێد، ئی رووح جەماوەریە حەماسەت و سووز بەرزەو کەێد، و جەماوەر توەنێد کاریگ بکەێد کە تاکە کەسەیل نیەتوەنن وە تاک ئەنجامی بیەن.
ئی کتاو وەسوودە ئەرا فامستن لە فرەیگ لە گردەوبوین مەردم کە جویر ناڕەزایەتی و گردەوبوین سیاسی و بوونەیل وەرزشی، و تەنانەت کارەیل بازرگانی جویر ریکلام.
کتاوەگەی لی بۆن جویر بنەڕەتیگ لە چینەیل فرەیگ وەکار تیەێد، لەوانە کۆمەڵناسی، ریکلام، ئابووری و سیاسەت.
لە کتاو سایکۆلۆژی قەرەباڵغی توەنید گەردینیگ ئەرا ئەو هازە پەیا بکەید کە لەناو گردەوبوین مەردم هەس، هەناێ یەکەو گرن، و توانای ناوازەی رووح جەماوەر ئەرا داڕشتن هویرکردن و هەس و رەفتار.
هەرچەن کتاو سایکۆلۆژی جەماوەری زیاتر لە سەدەیگ وەرجە ئیسە بڵاو کریایە، بەڵام هویر لێ بۆن لەباوەت قەرەباڵغی هیمان وەکارە و نشانەس لە فرەیگ لە باسە ئەکادیمییەیل ئمڕوو.
ئەو نووڕینە ئەرا کاریگەری قەرەباڵغی لەلای رەفتار تاک و چوین قەرەباڵغی توەنێد شیوەی رویداوە میژووییەیل ئاڵشت بکەێد.
لێ بۆن هویر کرد کە تەماشاکەرەیل مەزەنە نەکریانە و فرەجار زڕنگن، و فرە کاریگەری پێشنیار و هیما لەبانیان هەس، پێشنیار ئەوە کەێد کە رووح جەماوەری هازیگ جویلەکەر و کاراکتەریگ تایبەت وەدەس تیەرێد، کە بوودە مدوو ئەوە کە هەکاتی یەک بوین جویر بڕیگ تاک رەفتار نەکەێد.
هەرلیوا کتاوەگە باس لەوە کەێد کە چوین توەنیەێد رەفتار گرووپی وەکار باێد، ئیجا ئەرا چشتیگ خاس بوود یا چشتیگ گەن.
نووڕین رەخنەگرەیل وە رویداوە میژوویی و هاوچەرخەیل ئەوە نیشان دەن کە چوین دەروینناسی قەرەباڵغی وەکار باێد تا وەبازاڕکردن بەرهەمەیل، دەسکاریکردن رای گشتی و تەنانەت کاریگەری لەبان سیاسەتەیل حکومەت وەکار باێد.
وە گشتی کتاو "سایکۆلۆژیای جەماوەر" لەوە جیاوە کریەێد کە هویریگ ناوازە و قویل خەێدە بان ئەو هازە دەروونییە وەیەکەو گریەدریای کە قەرەباڵغی لە قاڵب دەن و کاریگەرییان لەبان رەفتار ئایەم هەس، هەرلیوا فامستنیگ لە هاز سروشتی لە رەفتار بڕەیل مەردم و کاریگەرییەیلی لەبان ئایەم و میژوو و کولتوور دەێد.