خوەراک و دەرمان ئەمریکی رەزامەنی لەبان دەرمان دڵتەنگی دەێد
2023-08-05T07:21:36+00:00
شەفەق نیوز / ئیدارەی خوەراک و دەرمان ئەمریکا (FDA)، ئمڕوو شەممە، رەزامەنی لە دەرمان "زورانۆلۆن" ئەرا چارەسەری خەمۆکی (دڵتەنگی) دویای مناڵبوین دا، وەیەیش بوودە یەکەم حەب کە لە ئەمریکا وە تایبەتی ئەرا ئی بیماریە پەسەن کریایە.
"FDA" وت: ئەو چارەسەرە کە لەژیر مارکەی "Zurzuvae" فرووشیەێد، رەزامەنی لەبانی دریایە و ری هەس تا ماوەی 14 رووژ لە رووژیگ یەک گلە بخوریەێد.
وە لەوەر ئەوە ک خەمۆکی دویای مناڵبوین هیلێد زیان وە پەیوەندی داڵگ و کوورپە بڕەسێد، هاتێ کاریگەری بەدیگ لەبان گەشەکردن لەش و سوزداری کوورپەگە بیاشتوود، وەگورەی قسەی دکتۆر تیفانی ئار فیاشونی، وەڕیەوبەر بەش پزشکی دەروینی لە سەنتەر خوەراک و دەرمان ئەمریکی.
خەمۆکی دویای مناڵبوین بیمارییگ دەروینیە کە توەنێد لە نزیکەی یەک لە هەر هەفت داڵگ نوو تویش بارێد.
خەمۆکی دویای مناڵبوین بیمارییگ دەروینی رخبەرە، ک خانمەیل هەس وە دڵتەنگی و تاوانباری و بی بەهایی کەن، و هاتێ هویر لە زیانرەساننن وە خوەیان یا کوورپەیان بکەن.
