خانمیگ کورد لەناو ليست جەهانی وەناو ئەو ژنەیلە ک لەساڵ ٢٠٢٢ دەسیان چوود
لە پلەی یەکەم، خانمە سەرۆک کۆمسیۆن ئەوروپا ئۆسولا فون دیێ لاین هات، ک لە ٢٠١٩ هاتە ئی پۆستە، و خوەی یەکەمین ژنە رەسیەسە ئی شوینە، و بویە وەرپرس ئەو یاسایانە ک کاریگەری لەبان زیاتر لە ٤٥٠ مەلیۆن ئەوروپی دیرێد.
لە دە ژن یەکەم ناو لیستەگە، کەسەیلیگ جویر کاملا هاریس جیگر سەرۆک ئەمریکا، و ملیندا فرینش گیتس، و جیورجیا میلۆنی خانمە سەرۆک وەزیرەیل ئیتالیا لەناوی بوی.
لەناو ١٠٠ کەسایەتی لیستەگە، دوو ژن عەرەو هەس، ک هەنا رستمانی خانمە سەرۆک جیوەجیکەر لە بانک ئەبو زەبی کەفتە پلەی ٦٠، و رەجا عیسا خانمە سەرۆک گرووپ عیسا ساڵح کەفتە پلەی ٩٢.
لە پلەی ١٢ خانمە وەڕیەوبەر گشتی سەندوق پویل ناودەوڵەتی کریسالینا جورجیڤا هات، ک تەمەنی ٦٩ ساڵە.
تیای ئینگ وین لە تەمەن ٦٦ ساڵە، ک یە دویەم جارە بوودە خانمە سەرۆک تایوان کەفتە پلەی ١٧.
وەلێ خانم نوویگ ئی وەرزە هاتە ناو لیستەگە، ئەوەیش خاوەن پۆست و پلە نیبە، و نەیش سەرۆک دەوڵەتە، ک دویاترین ناو بوی لە لیستەگە وە شمارەی ١٠٠، ئەویش خانمیگ کوردە، وەناو مەسا ئەمینی (ژینا) ک مردنی وە دەس پولیس ئەخلاق، بویە هێمای گەورەترین ناڕەزایەتی لە ئیران.
