خانمە گورانیچڕیگ عەرەب وە ڤیدوێگ لە وەردەم کەعبە تویڕەی مەردم کرد
هەلا لەو ڤیدیۆ دەرچگ وەگەرد کوڕەگەی لەبان تیکتۆک ئویشێد: نازارەگەم «موعز» ساعەتەیل فرەیگ نیشتیە وداد نەکردیە، و هەر رووژیگ داوەزێد و چوودە نماز و گووش لە قورئان گرێد، هەنای وەگەردی وینە گردم و کەمیگ بازی وەگەردی کردیام، ئەو مەوقە هویر پەیغەمبەر کردم هەنای وەگەرد نەوەیلی حەسەن و حسێن بازی کردیاد، و ئەوانیش لەبان پشتی باز دەن و ئەویش سەر لە سوجدە بەرزەو نیەکەێد تا ئەوەنە بازی تەواو کەن، خودا سڵاو و دروود بڕەسنە پەیغەمبەر.
هەلا روشدی لەبان ئی پارچە ڤیدیۆ کەفتە وەر پەلامار سەختیگ وەلایەن هەوادارەیلی، ک بەشیگ وتن: هویچ شوینگتر پەیا نەکردێ ئی شیتیە لەناوی بکەێ؟ هەر یەکجاری لە خودا نیەترسێ؟، و ئەوەکە وت: کوە ریزگردن و سام کەعبە؟ یە خو ناوی ماڵ حەرام خوداس.
لەلای خوەییش، خانمە گورانیچڕە میسریەگە پاپەی ئەو قسەیلە نەوی، و بأس مەوقەی ئاهەنگە نووەگەی کرد.
