خانمیگ لە رخ مەرگ زیاتر لە ١٠٠ کێلو لە کیش خوەی کەمەو کەێد
شەفەق نیوز/ خانمیگ ئەمریکی تەمەن ٤٣ ساڵ کێشەگەی ٢٠٠ کێلوگرام بۊیە، دۊیای ئەوەگ پزیشکەیلە وەپی وتنە ئەگەر کیش خوەی کەم نەکەێد شایەت بوودە هووکار مردنی، هەر لەوەریە لە ماوەی ١٥ مانگ زیاتر لە ١٠٠ کێلو لە کیش خوی داوەزان.
وەگورەی ماڵپەڕ دەیلی مەیلی بەریتانی، ئەو ژنە ناوی پێنی لیڤەرە و تەمەن ٤٣ ساڵە، دۊیای ئەوەگ لە زانکۆ بۊیە، واز لە وەرزشکردن هاوردیە و خوەراک ناتەندروس خواردیە، وەی مدوویە وردە وردە کیشی زیایکردیە.
لە ماوەی سێ ساڵ کیشی رەسیە ٢٠٠ کیلۆ، وە جۊریگ مەترسی لەبان ژیانی دروسکردیە، چۊنکە تۊیش بیمار شەکرە و بەرزبۊین فشار خۊین کردیە، وەگەرد ئەوەیش کوتیان دڵی ناڕێک بۊیە، هەر جۊر ئەوەگ وتیە " لە مەوقەی دانیشتن لە جی کارەگەم کوتیان دڵم ٢٣٦ بۊیە، پزیشکەیلم وتنەسە پیم ئەگەر ژیاند ئاڵشتنەکەێ، شایەت وە جەڵتەی دڵ بمرێ".
لەو مەوقە بڕیاردایە شێواز ژیان خوەی ئاڵشتبکەێد و پەیڕەو سیستمیگ خوەراکی تەندروس و وەرزش بکەێد، و توەنستیە لە ماوەی ١٥ مانگ زیاتر لە ١٠٠ کێلوگرام لە کیشی داوەزنێد.
