خانمێک لە تەمەن ٩٩ ساڵی چوودە خوەنەواری
2022-02-11T12:33:59+00:00
شەفەق نیوز/ خانمیگ کینی لە تەمەن 99 ساڵی ئەرا مەکتەو سەرەتایی گلەو خوەێد و دەس وە خوەنستن کەێد.
لە هەواڵیگ ماڵپەڕ وەکیل باس لە "بریسیلا سیتینی" کەێد ک ئیسە لە پۆل شەش سەرەتاییە و وەگەرد زاڕووەیلە لە مەکتەو خوەنێد جۊر ئەوانیش دڵنگ مەکتەو پووشێد.
سیتینی باس لەوەکردیە خوازێد بخوەنێد و بوودە پزیشک لەوەر ئەوەگ لە گوزەشتە کار مامانی کردیە، لەهەمان وەخت تواێد جۊر مناڵ و نەوەیلی بوودە خاوەن سەواد و پیشەیگ تایبەت وەخوەی بیاشتوود.
ئی خانمە باس لەوە کەێد رووژانە لە چالاکیەیل خوەنستنی بەشداری کەێد و چێژ فرەیگ لەو چالاکیەیلە وەرگرێد.
