خاسترین سەرچەوە ئەرا دەسکەفتن ڤیتامین کەی

وەپای خەوەریگ تەندروسی  ماڵپەڕ"تایمز ئۆف ئیندیا"، خاسترین سەرچەوەیل دەسکەفتن ڤیتامین K ئیانەن:

خاسترین سەرچەوەی گیایی ڤیتامین K

کەلەرم:

کەلەرم بڕیگ فرە ڤیتامین K هاناوی، هەمیش دەوڵەمەنە وە ڤیتامین A و C، و کالیسیۆم و پۆتاسیۆم.

برۆکلی:

بیجگە لەوەگ دەوڵەمەنە وە ڕیشاڵ و کالیسیۆم ، برۆکلی دەوڵەمەنە وە ڤیتامین C، نیم کوپ برۆکلی کوڵیاگ ١١٠ مایکرۆگرام ڤیتامین K هاناوی.

سپێناغ:

سپێناخ لە تەندروسترین سەوزەیلە، دەوڵەمەنە وە ڤیتامینەیل A و B, و E وەگەرد مەگنیسیۆم و فۆلیک ئەسید و ئاسن، بیجگە لەوەش ڕێژەی فرەیگ ڤیتامین K ی هاناوی.

تەڕەپیاز :

تەڕەپیاز سەرچەوەی نایابیگە لە ڤیتامین K وەگەرد ڤیتامین A و ڤیتامین C و ترش فۆلیک.

کێوی:

کێوی میوەیگ خوەراکیە، دەوڵەمەنە وە ڤیتامین K، هەر کوپیگ کیوی نزیکەی ٧٣ مایکرۆگرام ڤیتامین K دابین کەێد.

تووی:

تووی سییە بڕ فرەیگ لە ڤیتامین K دابین کەێد، هەمیش دەوڵەمەنە وە ڕیشاڵ و ڤیتامین C و ئاسن و ڤیتامینەکانی B.