حەپ ڤیاگرا چوودە خوینی کابرایگ سەرخوەش
ئەو کەلەمە لە هندستان بویە قسەوباس مەردم، دویای مردن پیاویگ لە تەمەن ٤١ ساڵە، لە ئەنجام خواردن دوو گلە حەپ ڤیاگرا، ک خوەی ئەرا وازکردن لویلەیل خوین دروس کریاگە، و هەمیش توانای سێکسی پیاوەیل زیایەو کەێد.
راپۆرتەیلیگ پزشکی ئاشکرا کردن ک پیاوەگە مەوقەی خواردن ئەو حەپەیلە سەرخوەش بویە، ک فشار خوینی بەرزەو کردیە و تویش سەکتەی مەغز هاتگە و گیانی لەدەسدا.
ئەو پیاوە شەوەکی ئی رووژەگە، تا وەخت کەمیگ سەرژان و ئەڵاوردن داشتگە، و بریاسە خەسەخانە، و مەوقەی رەسینی مردگە.
پزشکەیل باس هوکار مردنی لە روی پزشکی شەرعی کردن، ک وتن: تویش تەقیان لویلەی خوەین لە مەغزی هاتگە، وەگورەی رووژنامەی دەیلی مەیل بەریتانی.
باندێت، پزشک دادوەری لە پەیمانگای هندستان ئەرا زانستەیل پزشکی وت: تاقیکردن دویای مردنی، ئاشکرای بڕیگ خوین خەسەوبوی کردن کیشەگەی رەسێدە ٣٠٠ گرام، لەناو مەغز پیاوەگە بویە.
