ئەجاسا کڕیستی وەچە یەکەم رۆمانەیلی چاب کرد
شەفەق نیوز/ خاسی لە چابکردن یەکەم کتاو لە رۆژمانە پۆلیسیگان نووسەر ئەجاسا کڕیستی چوودەو ئەرا گرەویگ وەگەرد خوەشکەگەی، وهەرچەن ١٠٠ ساڵ لە بڵاوکردنی رەد بویە هیمان کارەگانی خوازێن جارانیەکە لەلای خوەنەوارەیل دیرێد.
کڕیستی لە تەمەن سی ساڵان بوی هەنای رووژنامەیگ بریتانی رۆمانەگەی ( باوەتە نادیارەگەی ستایلز) وە زەنحیرەیگ بڵاوکرد لە شوبات ١٩٢٠، و لە تەشرین یەکەم لەی ساڵەگە رۆمانەگە وە کتاویگ لە ئەمریکا دەرچگ.
کتاو گینیس ئەرا ژمارە پەیمانەیەگان ئووشێد؛ رۆمانەیل کڕیستی فرەترین فرووشیاگە لە جهان، و دوو ملیار لە چاپەیل رۆمانە پۆلیسیەگانی لە ئاست جهان فرووشیاگە.
جیمس بریتشاڕد کوڕ کوڕەرزاەگەی لە چەوپیکەفتنیگ ئەرا رۆیتەرز لە ماڵپەڕ زووم ئووشێد: ئەو کارە ئەنجامدا ک خوەی ژنیگ بوی هەنای ئەو وەختە ژنیەیل ئیجوور کارەیلیگ نەکردیان، و لەلای منەو ئی چشتە ئاسایی نیە، وشایستەی خوەشی گەورایگە.
وتیش؛ ک خوەی مەزەنە کەێد کڕیستی ک لە ١٩٧٦ مرد، پێشبینی نەکرد نووسانن بوودە سەرچەوەی داهاتیگ وەپی ژیان بکەێد، و لە سەرەتاییەو نووسانن تەنیا ئەرا دڵخوەشی خوەی بوی.
ئیجا ئەو گرەوە وەگەرد خوەشکەگەی هیشتەی یەکەم رۆمانی بنووسێد.
بریتشاڕد وتیش؛ خوەشکەگەی گرەو وەگەردی کرد ک خوەی توانای نووسین وبڵاوکردن کتاویگ نەیرێد.
کڕیستی هەمیش ١٩ شانۆ نووسان: وەناوبانکتریان ( فاق مووشەیل) ک لە ساڵ ١٩٥٢ کریاوە، و لەوەر پەتای کۆڕۆنا لە ئادار وسیا.
