جەهان رویوەڕوی دیاردەیگ گەردوینی بوود

شەفەق نیوز/ زانایەیل گەردوینناسی باس لەوەکەن، جەهان رویوەڕوی دیاردەیگ گەردوونی بوود کە لە هەر 80 هەزار ساڵ جاریگ یەک جار روی دەێد و بڕیاڕە لە چەن رووژ ایندە روی بدەێد.

وەپای راپۆرتیگ کە رووژنامەی میترۆی بەریتانی بڵاویکردیە، دانیشتگەیل بەریتانیا توەنن لە ماوەی مانگ تشرین یەکەم ساڵ ٢٠٢٤ دوو رەپەرێزیگ بوینن کە  لەبان هەسارەی زەوی لە هەر ٨٠ هەزار ساڵ یەکجار دەرکەفێد.

زانایان ئویشن، دوایین دەرکەفتن ئێ دوورەپەرێزە لە سەردەم نیاندەرتاڵ بویە، هەزاران ساڵ وەرجە ئیسە.

دوورەپەرێزەیل وە پیچەوانەی ئاسارە بوچگەیل کە لە سەنگ و کانزا پێکهاتنەس، ئیانە لە یەخ و سەنگ و گاز دروسبوون هەنای وە نزیک خوەر رەدبوون بەشیگ لە یەخەگەی تاوێد و جویر تەپووتووز دەرکەفیێد.