جێمس وێپ وینەی رەنگینیگ ئەرا هەڵپووقیان دوو گەلە ئەسارە گرێد
2023-04-18T07:05:13+00:00
شەفەق نیوز/ تەلیسکۆپ جێمس وێپ، وینەی هەڵپووقیان پرشنگداریگ گرد، لە ئەنجام لەیەکداین دوو گەلە ئەسارە مەوقەی تیکڵابوینیان، وەدویری نزیکەی ٢٥٠ مەلیۆن ساڵ لە زەوی.
سایت تەلیسکۆپ ئاژانس ناسای ئەمریکی وینەگە بڵاو کرد، و دیارە وە رەنگ سوور پڕشنگ دەێد، وە رووشناییگ ک لە یەک تریلیۆن خوەر زیاترە.
ئەو هەڵپووقیانە لە تیکڵابوین دوو گەلە ئەسارە تیەێد ک وەناو (ئەرب ٢٢٠) ناسیاگە، و ئی دوو گەلە ئەسارە وەرجە نزیکەی ٧٠٠ مەلیۆن ساڵ لەیەک دانە.
وینە نووەگەی جێمس وێپ هەمیش دویچگیگ نشان دەێد، ک وە رەنگ کەو لە دوو گەلە ئەسارەگە دەرچوود.
لە خود وەختەگە، کڕ و قەمچەیلیگ وە رەنگ پرتەقاڵی نزیک وە سوور نشان دەێد، ک لە ئەنجام ئەو تەقیانە درووس بوود.
