جەیمس وێب لە هەسارەی دویریگ زەریایگ ئاو پەیا کەێد
زانایل ئی پەیاکردنە "سەرنجڕاکیشە"یا وە وەکارهاوردن تەلەسکۆپ جەیمس وێب ئاژانس چوڵایی ئاسمانی ئەمریکا ئەنجام داگە، کە وە دویری ١٢٠ ساڵ رووشنایی لە زەویەو لە ئەسارەبۆشایی لەورا دونریەێد، یەیش وە پشتبەسین وە لێکۆڵینەوەیل وەرین ناوچەگە وە وەکتارهاوردم تەلەسکۆپ جەیمس وێب و هابل و کەپلەر.
زانایل ناو هەسارە دەرەکیەگە وەناو K2-18 b بڕینەسە باڵای، ناسا ئویشێد بارستەی ئی هەسارە نزیکەی نۆ ئەوەنەی بارستەی زەوییە.
زانایل رانگەیاننە، تەلەسکۆپ جەیمس وێب توەنستیە مۆلیکولێگ پەیا بکەێد کە وەپی ئویشن دیمیثیل سەلفاید (یا DMS) کە لەبان زەوی تەنیا لە لایەن ژیانەو بەرهەم تیەێد و فرەی لە فیتۆپلانکتۆن لە ژینگە دەریاییەگانەو تیەێد.
زانایل هیمان ئی نووڕینە دووپات نەکردنە و هویردبوینی لێکۆڵینەوە کە ئایا وەراسێ دیمیثیل سەلفاید لە رووەک دویر وە ڕێژەیگ وەرچەو هەس یا نا.
زانایل دەسنشان وەوە کەن کە K2-18 b وە هوکارەیلگ ترەک چەسپانیە کە سەرنجڕاکیشە، کە هەسارەگە مۆلیکول هەڵگر کاربۆنی هاناوی، لەوانە میتان و دویەم ئۆکسید کاربۆن، کە ئەرا خوەی پەیاکردن گەورەس ئەرت گەردین وەشوین وەدویای ژیان.
