جەیمس وێب ئاشکەرای هەبوین گاز دوانەئۆکسید کاربۆن کرد لە بان هەسارەیگ دەێشت کۆمەڵەی خوەڕ

شەفەق نیوز/  ئاژانس چووڵایی ئاسمان و فرۆکەوانی ئەمریکا (NASA) لە ٢٥ کانوون یەکەم ٢٠٢١ تێلیسکۆپ جەیمس وێب ئەرا چووڵایی ئاسمان کلکرد، ئیرنگە ئەو تێلیسکۆپە هەبوین گاز دوانۆکسیدی کاربۆن لە هەسارەیگ دەێشت کۆمەڵەی خوەر سەلمانیە.

وەپای  خەوەریگ گۆڤار "New Scientist" ئەیە ئەرا یەکەمجارە لە مێژوو نهێنی هەسارەیگ دەیشت کۆمەڵەی خوەر، ئاشکەرا بوود.

تیمیگ لێکۆڵەر زانکۆی کالیفۆڕنیا ک لە زیاتر لە ١٠٠ لێکۆڵەر هاناوی، ئەو زانیاریەیلە شیکار کردن ک تێلیسکۆپ جەیمس وێب تووماری کربوی.

لە ئەنجام شیکارییەگە، لێکۆڵەرەیل رەسینە ئەو ئەنجامە ک  لە بەرگەوای هەسارەی "WASP-39b" ک کەفێدە دویری ٧٠٠ ساڵ رووشنایی لە کۆمەڵەی خوەر، گاز دوانۆکسید کاربۆن هەس.

لێکۆلەرەیل لەو باوەڕەن لەڕی ئەوە توەنن زانیاری زیاتریگ لەبان هەسارەی "WASP-39b" بزانن.