جیاوازی لە مابەین سەرژان و شەقیقە
شەفەق نیوز/ سەرژان یەکیگە لە گرفتەیل تەندروسی ک فرە کەس تویشی بوود، بڕیگ کەس ژانەسەر مامناوەن یان سەخت وە شەقیقە هەشماری کەن، باوجی توەنریەێد وە چەن خاڵیگ لەیەکتر جیایانەوبکریەێد.
تەنیا خاڵ هاوبەشیان لەمابەین سەرژان و شەقیقە بریتیە لە ژان سەر، باوجی جیایەوکردن و دەسنیشانکردنی کار ئاسانیگە، ژان لە شەقیقە تەنیا ها لە یەک لای سەر وە نووبە دوارەو بوود وەگەردیا ژان ها ناو چەویش فرەجار تا چەن رووژیگ وەردەوامە.
لە وەخت دەسوەپیکردنی چەن نیشانەیگ لە تویشبویەگە دەرکەفێد جوێر، " هێلنجدان یا ئەڵاوردن، وڕبوین و هەستار بوین وەرانوەر وە رووشنایی و دانگ و بوون" وەگەرد هەر جویلەیگ ژانەگە فرەترەو بوود، بیماریەگە درویژخایەنە و چارەسەر یەکجاری نەیرێد، و پێویست وە پاریز لە بڕیگ خواردن کەێد.
باوجی لە ژانەسەر ئاسایی هەردگ لای سەر گرێدەو جویر ئەڵقەس لە دەور سەر یا زووریگ وەبان سەر و ژانەگە تا چەن ساعەتیگ یا کەمتر وەردەوامە و فرەجار شان و مل وەگەردیا تێدە ژان و هویچ پەیوەندیگ وە بوون و رووشنایی و دەنگەو نەێرید و وە شیوەی وەختانەس.
