تولستۆی لە وڕینەی مەرگ
لەویادویای تەمەن لیو تولستۆی، چەن جاریگ وتیە ک خوازێد لە یاسنایا بۆلۆنیا بنریەێدە خاک، ک نویساد: بایەتە رسوومەیل لە وەخاکسپاردن لاشەگەم نەکریەێد، تەنیا تابووتیگ چووین، و با هەر کەسیگ توەنێد بوەێدەی دارسان زکاز کۆنە، ئەرا شوین ئەو گووچان سەوز بویچگە، نزیک دووڵەگە.
قەور لیو تولستۆی ها کنار دارسانەگە، وە بیدەنگی و گیا پووشیاگە، وەبی خاج یا نەخشە.
تەنیا گت بوچگیگە لەبان زەوی، لەسای دوو دار، ک نویسەرەگە خوەی چنیەسەیان.
تولستۆی لە نیکۆلا برا گەورەگەی باس گووچان سەوز بوچگەگە لە مناڵی ژنەفتیە، ئەو مەوقە نیکۆلا تەمەنی ١٢ ساڵان بویە، هەنای ئەرا خانەوادەگەی وت: دی لەوەلا کەسیگ نیەمەرێد، و دی جەنگ وپەتا نییە، و گشت مەردم بوونە برای «میرویژە» تا ئەوە وەدەس بارن، تەنیا گووچانیگ سەوز خوازیمن، کەسیگ پەیای بکەێد، لە کنار دووڵەگە لە زکاز کۆنە نریاسە چاڵ.
تولستۆی بازی برایل میرویژە کرد، هەنای لەناو ماڵ بویچگیان دەس جویر میرویژە یەکتر گردن، و هەس کردن ک چەنیگ خاسە هەنای وەگەردیەک بوون، چوینکە خوەشیان لەیەک هات.
تولستۆی نویسان: ئەو بازیە سوود ئەرام داشت، و سوپاس خودا کەم ک توەنستم ئەو بازیە بکەم.
لە ٢٨ ئوکتۆبەر ١٩١٠ وەگورەی روزنامەی یولیانی، لیو تولستۆی لەی جەهانە دەرچگ، ئەوەیش دویای دە رووژ لە تویشهاتنی وە بیمارییگ لە سویە، باوجی تەرمەگەی لە ٩ی تەشرین دویەم وەگورەی تەمەی لەەشوین گووچانە سەوزەگە نریا خاک.
قەور لیو تولستۆی وەشیوەی تابلۆیگ شیوەکاریە لەناو دارسان، تەپەی سەوزیگ لەکنار دووڵەگە، هویچ نشانەیگ لەقەی قەورەگە نییە، لەورا هەس کەێ وە ئارامی و کپی خەفتگە.
