توتییگ کامیرایگ دزێد و لە ئاسمانەو توومار ڤیدیۆ کەێد
2022-03-03T09:05:55+00:00
شەفەق نیوز/ لە نیوزیلاند تووتییگ کامیرایگ دزی و لە مەوقەی باڵگردنی لە ئاسمان توومار ڤیدیۆ کرد.
وەگورەی گرتەیگ ڤیدیۆ، ک وەلایەن توتیەگە لە وڵات نیوزیلاند توومار کریاگە، تۊنستیە کامیراگە بدزێد و باوەێدەی ئاسمان، و لەمەوقەی باڵگردنی کامیراگە وە دنۊک توتیەگە سیمایل رەنگینیگ توومار کردگە، ئیجا لە شۊنیگتر نیشتیەسەو.
خاوەن کامیراگە کەفتیەسە شۊنی و کامیراگەی پەیا کردگە، و دۊای ئەوە ئەو پارچە ڤیدیۆ لەناو کامیراگەی ئاشکرا بۊە.
