توێژینەوەیگ کاریگەری سۆشیال میدیا لەبان دڵتەنگی خەێدە روی

شەفەق نیوز/ وەپای توێژینەوەیگ زانستی پێگەی "Medical News Today" بڵاویکردیە، پەیوەندی راستەوخوەیگ هەس لە مابەین وەکارهاورەیل توور کۆمەڵایەت و تویشهاتن وە دڵتەنگی.  

توێژینەوەگە لەبان ٥٣٩٥ کەس ک تەمەنیان لەبان 18 ساڵ بویە ئەنجامی دیایە و دەرچگە وەکارهاورەیل تیک تۆک و فەیسبوک و سناپ چات کاریگەری گەپیگ لەبان تویشهاتنیان وە دڵتەنگی داشتیە.    

توێژینەوە ئەمریکیەگە ئەوەیش خستیەسە روی  ئەو وەکارهاوەرەیلە تەمەنیان لەبان ٣٥ ساڵ بویە کاریگەری سناپ چات و تیکتۆک کاریگەری تویشهاتن وە دڵتەنگی لەبانیان بویە، ئەو وەکارهاورەیلە تەمەنیان لە خوار ٣٥ ساڵەو بویە کاریگەری فەیسبوک لەبانیان بویە.

پسپۆڕەیل بەشدار لە توێژینەوەگە دیاری کردنە؛ بڵاوبوین وەردەوام هەواڵ و بەراوردکردن ژیان خوەیان وە ژیان ئەو کەسەیلە وینەو ڤیدیۆگان بڵاوکەن ک وە تەنیا یەک دیم لە ژیانیانە  کاریگەری لەبان لایەن دەرونی وەەکارهاور دروسکەێد.