تايسون ئویشێد: وەینزیکە مرم

شەفەق نیوز/ ئەفسانەی وەرزشی گورمیچە، مایک تايسون وت: هەس کەم لە مەرگ نزیکەو بویمە، وەگەرد کومێنتەیل دڵسووزی دووسەیلی.   

پاڵەوان وەرین گورمیچەی کیش سەنگین لەتەمەن ٥٦ ساڵان، لەناو پارچە دەنگیگ "بودەكاست" وەگەرد پزشکیگ قسە کرد، هەنای وت: هەڵبەت گشتمان لە رووژیگ مریمن، هەنای نووڕمە ئاوینە، ئەو لەکەیل بویچگە لە دەمجەو خوەم دوینم، و ئویشم: واو، یە کۆتایی وەسەچوینم فرە نزیکە. 

تايسون ک یەکیگە لە وەنابانگترین گورمیچە وازەیل سەردەم وت: هویچ سەروەتیگ خوەشی وئارامی نیارێد جویر ک فرە کەس وەوجویرە مەزەنە کەن، پویل ئەرا من چشتیگ نییە. 

وتیش: هەمیشە وە مەردم ئویشم ک لەلای خوەیانەو پویل دڵخوەشیان کەێد، ک خوەی هەسیگ درووکانیە وە ئارامی، تو ئویشێد ک هویچیگ وە ریوارم نیەتیاێد، تو باوەڕ نیەکەێد ک شایەت بانکەیلیش بڕمیەن. 

تايسون دیاری کرد ک لالەی خوەدەو قەت نیەچەمیەێد ئەگەر پویل فرەیگ داشتوید، یەیشە راس نییە، ئەراوە هەمیشە ئویشم ک پویل هەسیگ درووکانیە وە ئارامی.