تا ئیسە نەویە.. زریانیگ لەبان خوەر سەرسام زانایل کەێد

تا ئیسە نەویە.. زریانیگ لەبان خوەر سەرسام زانایل کەێد
2023-02-14T14:00:12+00:00
شەفەق نیوز/ گەردەچویچان خڕیگ ئەڵاجەوی لە جەمسەر باکوور خوەرەگە دروس بویە، ک جویر زریان نشان دەێد، و زانایل نووڕستن ک تیشک خوەرەگە وەرەو دەیشت تەیمانەی بلازما تەکان دەێد ک باوەش کەێدە خوەرەگە، باوجی تا ئیسە ئیجویر چشتیگ نەینە.

رەوانگەی وزەر خوەر لە ئاژانس ئاسمانی ئەمریکا ئی سیمای ئەڵاجەویە نووڕست، و مەچیر خوەر کەپیگ لەبان باکوور خوەرەگە جویر زریان دەرچگ.

ئەو مەچیرەیل گەپە لە بلازمای خوەر ئیرنگە جویر گەردەچویچان تونیگ وەدەور جەمسەر باکووری گەردێد، وەلێ زانایل هویچیگ لە هوکارەیل ئی کارە نیەزانن.

خانمە زانای کەشوهەوای بۆشایی ئاسمان تامیسا سکوف وت:  خوەر سیمای دەگمەنیگ لەلی دیار دەێد، و چشتەیلی لە کنار باکووری لە مەچیر سەرەکیی دەرچگن، و ئیرنگە وە گەردەچویچان گەپیگ وەباکووری گەردێد، وتیش: نیەزانێد یە چەس، و چە بوود.

شارەزایل فیزیا لە چین وزەی خوەر وتنیش: ئی سیما ئاسایی نیی، وتنیش:  پەیوەندی وە پیچەوانەبوین موگناتیسی خوەر دیرێد ک لە گشت گەردین خوەریگ جاریگ بوود، وەلێ هویچیگ لە هوکارەیل ئەوە نیەزانن.

زانایل خوازن بزانن ئەوە ئەرا دروس بویە، و ئەرا تەنیا لە ناوچەی باکوور خوەرەگە بویە.

 

Shafaq Live
Shafaq Live