تەندروسی جەهانی...دەسداین لە مناڵ نەبەکام ئەگەر ژیانیان زیاتر کەێد
شەفەق نیوز/ رێکخریاگ تەندروسی جەهانی وەپیاچگن ئەرا رێنمایەیل وەکارهاوردن "خودەج" ئەرا مناڵەیل نەبەکام کەێد، وەگورەی رێنمایی نوویەیلە دەسداین وە پووس مناڵ نەبەکام ئەگەر مەننیان لەژیان زیاترەو کەێد.
رێنمایەیل رێکخریاگ تەندروسی جەهانی لەباوەت چەودێریکردنمناڵەیل نەبەکام و ئەوانەگ لە دۆخیگ تەندروسی تایبەت لە داڵگبوین ئاڵشتکاری فرەیگ لەی کردیە.
وەپای رێنمایەیل تەندروسی جەهانی ئەو مناڵەیلە خوازن دەسوەجی دەس لەلیان بدریەێد پێویستی فرەیگ وە بەرکەفتن پووس وە پووس دیرن، لەهەمان وەخت فرە گرنگە بکەفنە وەر پووس داڵگیان و نزیکن لەلیان تەنانەت ئەرا ئەو مناڵەیلەش گرفت هەناسەدان دیرن.
کارین ئێدمۆند، پزیشک مناڵەیل رێکخریاگە لە جنێڤ وە رووژنامەنوسەیل ڕاگەیان، ڕێگەدان وە داڵگەیل یان چەودێرەیلتر ئەرا ئەوەگ لەسەرتاوە لە نزیکەو وەگەرد مناڵە نواوەختە بمینن وەبی جیابوینەوە ئەگەر مەنن لە ژیانئەو کوورپەیلە بەرزەو کەێد.
