تەکسییگ لە شیوەی فرۆکە دروس کریەێد

شەفەق نیوز/ کۆمپانیایگ تەکنەلۆجی پەردە لەبان یەکەمین "فڕۆکەی تەکسی" لاورد و وەتەمایە پەنج ساڵتر بخەێدە بازاڕەیلە و سەرنشینەیل تۊنن هاتوچو وەپی بکەن. 

ماڵپەڕی "زە سەن" بەریتانی هەواڵیگ کۆمپانیایگ سلۆڤیک بڵاو کردیە باس لە مۆدێلیگ نوو کەێد وە ناو " AeroMobil"ک نیمەی فڕۆکە و نیمەی ماشینە. 

وەگورەی راپۆرتەیلە ئی تەکسی فرۆکەییە لە مەوقەی ئاڵشتکردن فۆرم خوەی تەنیا سێ خولەک خوازێد، کۆمپانیاگە هیوا خوازێد ئی مۆدیل نوویە کات ئەرا ئایەم گلەو بدەێد وەپای ئەوەگ 500 تا 100 میل نزیکەو کەێد. 

ئاشکەرای کرد شۊن دو سەرنشین لەناوی بوود، باوجی تا ئیسە باس لە نرخەگەی نەکریایە.