تەرخینە.. بەرهەم کوردەواری لە ڤیستواڵ تاوسانی لە سلێمانی (وینە)
شەفەق نیوز/ ئەر دویەم رووژ وەبان یەک، کار و چالاکیەیل ڤیستواڵ وەرهەمە ناوخوەیەیل تاوسانی ئەنجامدریا، لە پارێزگای سلێمانی هەرێم کوردستان، ک نەریتیگ وەرزیە ساڵانە ئەنجامی دەن.
سەرپەرشت ڤیستواڵەگە ساکار حەمە کەریم وە ئاژانس شەفەق نیوز وت، " ڤیستواڵەگە لە چوار ڤیستواڵ پێکتێد ک ساڵانە لە کۆتایی هەر وەرزیگ ئەنجام دریەێد، ئامانج لەلی دروسکردن بازاڕە ئەرا بەرهەمە ناوخۆیەیل".
وتیش، " لە هەمان وەخت ئامانج لە ڤیستواڵەگە ناسانن بڕیگ لە بەرهەمەیل فلکلۆریە جویر " تەرخینە" و میوەی هشکەوکریاگ، و ئەو بەرهەمە خواردەمەنی کوردەواریە لە ئاوایەیل کورد بەرهەم تێریەێد".
دیاریکرد، ڤیستوالەگە لە پارک ئازادی ئەنجام دریەێد لە ناوراس شار سلێمانی، ئەرا ماوەی پەنج رووژ وەردەوامە، وە بەشداری شمارەیگ فرە لە کشاوەرزەیل و شوان مەروماڵاتەیل، گرنگی دریەێد وە کارەیل دەسرەنگینی و ناوماڵ فلکلۆری و هەڵکۆڵین".
لەباوەت پیشوازیکردنی وە لایەن هاوڵاتیەیل لە ڤیستواڵ تاوسانەی بەرهەمە خۆماڵیەیل وت، " وە شیوەی فرە خاسیگ پیشوازی لەلی کریایە و دەرفەتیگ بسینەیل ئەرا وە دەسهاوردن ئەو بەرهەمە خۆماڵی فلکلۆرەیلە ک لە گوزەشتە و ئیرەنگە بەشیگ گرنگن لە فلکلۆر کۆن کوردی، دەسمیەتیدەر گەپیگە ئەرا مقەیەتیکردنی.
