ئەکتەریگ چینی ٥٦ ساڵاں ئاشکرای هووکار وەگەنجی مەننی کەێد
2022-03-09T12:10:48+00:00
شەفەق نیوز/ نووترین وێنەی ئەکتەر چینی شاندۆ تان ک لە رووژ لەداڵگبۊنی بڵاویکردیە و تەمەنی بۊیە وە ٥٦ ساڵ، نهێنی مەندنی وە گەنجی ئاشکەرا کردیە.
وەگورەی میدیایل چینی، لە دۊای بڵاوکردن وێنەی یاد لەداڵگبۊن شاندۆ تان لە گوگڵ مینەکردن فرەیگ ئەرا ناوەگەی کریایە.
شاندۆ وەی تەمەن فریە جۊر گەنج بیس ساڵانیگ دەرکەفێد، بڕیگ مەردم لە کۆمێنت ئەرای نۊسانە ئەوە شمارەی تەمەنی نییە بەڵکم شمارەی کێش لەشیە یاخود شمارەی ئەو زنجیرە درامایەس ک کار لەناوی کردیە.
شاندۆ راگەینێد تەمەنی بۊیە ٥٦ ساڵ و هووکار وە گەنجی مەننی ئەرا ئەوە چوود، ک هۊیچ وەختیگ لە درەنگانەیل شەو یان شەوەکیان زۊ خوەی نێشوورێد، وەگەرد ئەوەیش وەردەوام وەرزش کەێد و گرنگی وە رێکی لەشی دەێد، ئاگادار خواردن مامر تفتە و زیادەڕەوی لە خواردن ئەو جۆرە خوەراکە نێکەێد.
