تیک تۆک لە سەراپای جەهان یەکەمە

شەفەق نیوز/ تیک تۆک، دویا ئەپڵیکەیشن تووڕە کۆمەڵایەتییەیل بویەسە پڕ ئسفاکەرتەرین لە جەهان لە سەرەتای ئمساڵەو، وەگورەی ئەوەی لە سەرەتای ئمساڵەو زیاتر لە 176 ملیۆن جار داگیریایە ئەرا ناو مۆبایلە زیرەکەیل، وە یەیش بوودە پەنجەمین ئەپڵیکەیشن ک زیاتر لە 3.5 ملیار جار داوەزین ئەرای بکریەێد لە سەرەتای  داهێنانیی. 

وە گورەی راپۆرتیگ کۆمپانیای (سەنسۆر تاوەر) تایبەتمەن وە ئەپڵیکەیشنەیل، “لە ئمساڵ هویچ ئەپڵیکەیشنیگ زیاتر 176 ملیۆن جار دانەگیریایە  و یەکەم ریزبەندیەگە داگیر کردیە”. 

لە دویای تیک تۆک، ئەپڵیکەیشن ئینستاگرم لە پلەی دویەم ریزبەندییەگە تێد 151 ملیۆن جار داگیریایە، لە گوزەشتە لە ریزبەندنی یەکەم بوی. 

لە لاییگتر ، ئاژانس (سی نێت دۆت کۆم)ی مژار تەکنەلۆژیا دیاری کەێد  “ کۆمپانیای مێتا ک ئیرنگە خاوەنداریەتی سییان لە پڕ ئسفاکەرترین ئەپڵیکەیشنەیل کەێد لە جەهان ک فەیسبووک، ئیستاگرام و واتسئاپە”.