بەرشەلۆنە وە چوارینەیگ لەبان فیاریال بەێدەو

بەرشەلۆنە وە چوارینەیگ لەبان فیاریال بەێدەو
2020-07-06T11:04:46+00:00

بەرشەلۆنە ئاسەوار هەفتەی سەختیگ وەپشتسەرنا وە سەرکەفتن گەورایگ ٤-١ لەبان فیاریال خاوەن ماڵ تا بمینێد لە دەور پلە یەکەم توپان ئیسپانی، و یەکیگ لە جوانترین بازیەگانی نیشاندا وە سەرپەرشتی راهێنەر کیکی ستین.
بەرشەلۆنە لە دویاترین دوو بازی وەیەکسانی دەرچگ، تا پێشەنگی پێشکەش بکەێدە هاوماڵە کلاسیکیەگەی ریال مەدرید، بەڵکم سەرکەفتنەگەی لە بازی یەکشەممە، خاڵه‌یله‌ی بەرزەو کرد ئەرا ٧٣ خاڵ لە ٣٤ بازی، وە جیوازی ٤ خاڵ لە پشت تیمەگەی راهێنەر زەیندین زەیدان ک ئەتلەنتیک بیلباو شکانەو ١-٠ لە وەختیگ وەرین لە رووژ یەکشەممە.
گۆڵیگ پێچەوانەیی پاو تۆریس تۆماری کرد، بەرشەلۆنە خستە پێشەنگی لە سێیەم خولەک، ئیجا جیرار مۆڕینۆ ئەرا فاریال یەکسانیەو کرد لە خولەک ١٤ ، وەرجەیە تیمە میوانەگە وەگۆڵ رەنگینەگ ئەرا لویس سوارێز لە دویای شەش خولەک سەرکەفتنەگە هاوردەو.
ئەنتوان گریزمان پاڵیگ نا سەرکەفتنەگەی بەرشلۆنە وەرجە کۆتایی شەوت یەکەم، دویای ئەوە ک لە دویاترین دوو بازی دویرەوخریا لە شیوەی سەرەکی تیمەگە، ئیجا ئەنسۆ فانی خاوەن تەمەن ١٧ ساڵان چوارم گۆڵ لە دویەم شەوتەگە وە توپ نزمیگ تۆمارکرد.

Shafaq Live
Shafaq Live