بڕیارەگەی میسی پەڕشەلۆنە سەرسام کەێد

شەفەق نیوز/ ئیزگەی کادینە سیر ئیسپانی، رووژ جومعە وت: ک لیۆنیل میسی دانوستان لە نووەوکردن گریەبەسەگەی وەل یانەگە وسان، و ئامادەی خوەی کەێد ئەرا کۆچکردن وه‌ره‌و یانەی کاتەلۆنیە رکابەرەگە لە دەور پلە یەکەم تووپان ئیسپانی، لە دویای تەواوبوین گریەبەسەگەی لە ٢٠٢١ .
راپۆرتەگان ئاماژەدان ک میسی خوەی و خۆرخی باوگی دانوستان کردیان ئەرا نووەوکردن گریەبەسەگەی ٢٠١٧ ، بەڵکم بازیگەرە ئەرجەنتینیەگە نێخوازێد لە کامپ نۆ بمینێد.
راپۆرتەگە دیاری کرد ک میسی تۆڕە بیە لە راپۆرتە رۆژنامەوانیەگان ک هێشتەی جوور وەرپرسیگ دیاربیەێد لە رووداوەیل ناو یانەگە جوور دەرکردن راهێنەر ئینریستۆ بالبێردی لە کانون دویەم، و هەمیش هەست وە دڵخوەردی کەێد لە کەم توانایی تیمەگە.
میسی، ک لەمانگ گوزەیشتە تەمەنی بویە ٣٣ ساڵ، گۆڵ ژمارە ٧٠٠ ئەرا خوەی تۆمار کرد، وەختا تووڕەیل ئەتلەنتیکۆ مەدرید لەرزان وە پەڵەنتییگ رووژ سێشەممە، بەڵکم بازیەگە وە بی ئومیدییگ ئەرا تیمە کەتەلۆنیەگە تەواوبوی دویای یەکسانی ٢-٢ ، وهاتنەوەی هیوایلی وە مقەیەتی نازناوەگەی لە دەوریەگە.
پەرشەلۆنە کەفتیەسە دویا وە چوار خاڵ لە ریال مەدرید پێشەنگ، وەرجە پەنج بازی لە کۆتاییەگە، دویای ئەوە ک تیم پایتەختەگە ١-٠ لە خیتافی بردەو رووژ پەنجشەممە.
هەرچەن لە دەیشت یاریگا وە شەرمۆک وەناوبانگە بەڵکم پارەکە میسی بویە فرەترین رەخنەگر ئەرا تیمەگە.
لە کانون دویەم گوزەیشتە رەخنە لە ئیریک ئەبیداڵ وەڕیەوبەر وەرزشیەگە گرد، دویای باسکردنیگ دەربارەی بازیگەرە فەڕەنسیە وەرینەگە، ک بازیگەرەگان بوینە هووکار دەرکردن بالبیردی.
لە چەوپیکەفتنەیگ وەل مۆندو سیبۆرتیڤۆ لە شوبات، دیاری کرد ک تیمەگە توانا نەیرێد ئەرا بردنەوەی دەوره‌ی پاڵەوانەیل ئۆڕۆپا لەی وەرزە.
لە نیسان، رەخنەگرد لە وەڕەیوبەرایەتی یانەگە، دویای باسەگەی دەربارەی ئەو بازیگەرەیلە ک رازی نەوین لە کەمەوکردن مووچەیلیان، ئەرا هاوکاریکردن پرشەلۆنە لە گرفتە داراییەگەی لەوەر پەتای کۆڕۆنا.