بویچکترین زاوا لە عراق
2021-07-22T12:40:32+00:00
شەفەق نیوز/ ماڵپەڕەیل پەیوەندیە کۆمەڵایەتیەکان عراق لە ئاهەنگ سویر مناڵیگ کەمتر لە ١١ ساڵان لە بەغداد هاتنە دەنگ، لەوەر هاوسەرگیری وەرجەوەخت ک کاریگەری خراو لەبان کۆمەڵگا دیرێد.
لە وێنەیل ئاهەنگەگە، سەجاد، ئەو مناڵە لە ناوچەی بەلەدیات لە بەغداد پایتەخت لە داڵگبوی ٢٠١٠ دیار دەێد، و داڵگی و بڕ گەورەیگ لە کەسوکارەیلی وەگەردی.
داڵگ مناڵەگە باس سویر کوڕەگەی لەی تەمەن بویچگە کرد گوایە تا وەرجە مردنی دڵی وە مناڵەیل کوڕەگەی خوەش بوود.
مناڵە زاواگە ئویشێد؛ ژن خوازین چشت رەنگینیگە، و من خوەشحاڵم، و هەرکەس سویر نەکەێد تەمەنی وە زەردە چوود.
