بلیمەت شەترەنج.. ناخاڵیگ پەنج جار پاڵەوان جەهان بەێدەو
2022-02-23T15:55:46+00:00
شەفەق نیوز/ ناخاڵەی هیندی رامیشابو براگناناندا وەنازناو "براگ" ناکاوی سەنگینیگ لە جەهان شەترەنج وەدەس هاورد، هەنای لەبان ماگنۆس کارڵسون پاڵەوان جەهانی لە پاڵەوانیەتی Airthings Masters سەرکەفت.
براگناناندا لە تەمەن ١٦ ساڵان، سەرسام کارڵسون کرد لە شەترەنج، هەنای سەرکەفتن پاڵەوانیەگە وەدەس هاورد، دۊای ئەوەگ بلیمەتی خوەی لەنوای نشان دا، و تەقەلایل پاڵەوان جەهان لە بازیەگە پۊچەڵ بۊ.
وەی سەرکەفتنە، براگناناندا بۊە بۊچگترین بازیگەر کارڵسۆن بوەێدەو، لەوەختیگ لە ساڵ ٢٠١٣ بۊیەسە پاڵەوان جەهان، ئەوەیش وەگورەی تووڕ "سی ئێن ئێن" ئەمریکی.
