برادپێت بوودە هووکار لەدەسداین 360 هەزار دۆلار دوو ژن
شەفەق نیوز/ پۆلیس ئسپانیا پەنج کەس دەسگیرکرد لوە مدوو ئەوەگ 360 هەزار دۆلار لە دوو ژن وەرگردنە لەری ناسانن وەیان جویر ئەکتەر ناودیار براد پیت لە واتسئاپ.
وەپای "سکای نیوز" پۆلیس شارستانی لە بەیاننامەیگ دیاریکردیە، توومەتبارەیل لەرێ ماڵەڕیگ پەیوەنی وە ئەو دوو کەسە کردنە کە ماڵپەڕەگە تایوەت بویە وە هەوادارەیل براد پیت وەگەرد گوزەشت وەخت توەنستنە باوەڕ وە ئەو دوو کەسە بارن کەپەیوەنی دووسی وەگەرد ئەو ئەکتەرە دیرن.
لەدویای ئەوە پیشنیار کردنە ەربەرهێنان لە چەن پرۆژەیگ جیاواز بکەن کە هویچ کام لەو پرۆژەیلە بونیان نییە.
ژنێیگ خەڵک ئەندەلوس وە بڕ ١٩٤ هەزار دۆلار هەڵخەڵتیاس، ژنیگ ترەک دانشتگ وڵاتی باسک ١٦٧ هەزار دۆلار لەدەسدایە.
تاوانبارەیل واتسئاپ وەکارهاوردنە ئەرا ئاڵشتکردن نامە تا ئەو وەختەی باوەڕ وەپیان هاوردنە وەگەرد خود براد پیت قسەکەن و بەڵێن سۆداری و زندگی هاوبەش وەپیان دانە.
لە ئەنجام پۆلیس پەنج کەس گومانلێکریاگ لە باندەگە دەسگیرکرد و توەنست 95 هەزار دۆلار لە کوو گشتی شڕ پویلەگە وەربگرێد.
