باوگیگ لوبنانی ناچار بوود ماشینەگەی بەێدە خەسەخانە تا تەرم کوڕەگەی بوەێد
2022-12-08T15:21:32+00:00
شەفەق نیوز/ سایتەیل سۆشیال میدیا لە لوبنان، وە شیوەی فراوانیگ وینەی هاوڵاتییگ لوبنانی بڵاو کردن ک تەرم کوورپەگەی هەڵگردیە، و وەپا لەناو جادەگە ری کەێد.
وینەی باوگەگە و کوورپەیگ لە باووشی، ک تەرم کوورپەگە وە پەڕوو کەو پووشیاگە، دویای ئەوەگ لەناو خەسەخانەیگ لە ناوچەی عکار باکوور لوبنان گیانی لەدەسدایە.
وینەی ئەو پیاوە هەسەیل مرۆیی لەلایەن مەردمەگە هاوردە دەر، و ئەو راسیە هاتە دەر ک گەل لوبنان لەسای قەیران ئابووری سەخت وڵاتەگە وەخوەیان دوینن.
میدیایل راگەیانن وتن: حسێن بەعرینی ناچار بویە ماشینەگەی بنەێدە گرەو لەلای خەسەخانەگە، تا بتوەنێد کوڕ کوورپەی درارێد، ک دویای ٢٥ رووژ لە خەفتنی لەناو خەسەخانە مردیە، و پویل خەسەخانەگە رەسیە ٢٥٠٠ دۆلار ئەمریکی.
