باوگ شێف بوراک: کوڕەگەم لاتەو بویە
2023-07-30T14:06:51+00:00
شەفەق نیوز/ ئیسماعیل ئۆزدەمیر، باوگ ئاشپەز ناودیار تورک بوراک، لە چەو وەپی کەفتنیگ ڤیدیۆیی نوو راگەیانیە، کوڕەگەی مایەپویچ نەویە.
ئسماعیل لە دیداری وەگەرد کەناڵ مەواتن لوبنانی ک وە یەکەمین چەوپیکەفتن دانریەد وە زوان ئەرەوی قسە بکەێد راگەیانیە، کوڕەگەی دوینەرەیلی لە تووڕ کۆمەڵایەتیەگان وەکارهاوردیە ئەرا وەدەسهاوردن هەم سۆزی.
ئیەش دویای ئەوەگ شێف بوراک باوگی توومەتبار کەێد موڵکەیلەی وە ناو خوەی وە بڕ 41 ملیۆن دۆلار وە بازرگانیگ بیانی فرووشتیە وەبی ئاگاداری ئەو.
ئسماعیل رەخنە لە کورەگەی گرێد و وە هەنەکی ئویشێد؛ " منیش توەنم ڤیدیۆ لەوەردەم مەردم بگرم ک دڵتەنگیم نیشان بەێد بویشم بوراک ستەم لەلیم کردیە"، دووپاتکردیە کوڕەگەی لاتەو بویە تەنیا ئەرا ئەوەگ هەس سۆز دوینەرەیل وەلای خوەی بکیشێد، لە ئیسە خاوەن چەن ماشینیگ گرانە و پارەی فرەیگیش دیرێد.
