باویک ئەرا پەروەردەی مناڵەیلی ئەنتەرنێت گشت شارەگە برێد

شەفەق نیوز/ پیاویگ لە فەڕەنسا کەفتە وەر سزای زیندانیکردن ئەرا ماوەی شەش مانگ، لەوەر  ئەوەگ بۊە هووکار بڕین ئینتەرنێت لە شار میسانج ک کەفێدە باشوور خوەرئاوای فەڕەنسا ئەرا ماوەی سێ ساعات، یە  تواست سنور ئەرا مناڵەیلی بنێد لە وەکارهاوردن ئینتەرنێت. 

راپۆرتیگ ک رووژنامەی " Independent" بەریتانی بڵاویکردیە باس لەوە کەێد، دانشتگەیل شار میسانج و شارۆچکەیگ لە نزیکی ئەرا ماوەی سێ ساعات ئینتەرنێت لەلیان بڕیا، لەوەر ئەوە یەکیگ لە دانشتگەیل شارەگە ئامێر شیوانن فرەشەپۆل وەکارهاوردیە ئەرا ئەوەگ رێ وە مناڵەیلی نەێد تا وەختیل درەنگ شەو ئینتەرنێت وەکاربارن، ئەو ئامێرەیش ری وەپیدریاگ نیە و بیجگە لە ئینتەرنێت ماڵەگەی خوەی، ئینتەرنێت لە گشت هوسای و دانشتگەیل شارەگەی خوەی و شارۆچکەی هوسای بڕیە. 

راپۆرتەگە ئاشکەرای کەێد، ئەو پیاوە باج ٣٠ هەزار یۆرۆ و شەش مانگ زیندانی کرێد، وە هووکار تاوانبارکردن وە بڕین ئینتەرنێت سەرتاسەری لە شارەگەی.