باسیگ لە تیکڵایی ئەدەب وەرد رووداوەیل
شەفەق نیوز/ ئەتوان دو سانت ئیکزوبیری.. نووسەر و فڕۆکەوان فەڕەنسي, ئویشێد: ئی ژیانە هوکارەمان کرد ک دووسی ئەوە نییە دووان وەیەک بنووڕن، باوجی دووسی ئەوەسە ک دووان وەرەو یەک شوین بنووڕن.
هەنای فڕۆکەی ئەنتوان دو سانت ئیکزوبیری گوما بوی، ئەو بیسەروشوینییە وە فڕۆکەی (لۆکهید بی -٣٨ لایتنگ)ە ک وە ئەرکیگ لەبان دەریای ناوەڕاس بوی، جویر چەوچەی سەرسامکەریگ بوی، تا ئەوەنە لە نزیک مەرسیلیا زەنجیر دەسەگەی پەیا کریا، و ناو ژنەگەی لەبانی چاڵ کریاوێد، و لە ساڵ ٢٠٠٣ پارچەیلیگ لە فڕۆکەگەی پەیا کریا، و چوینکە هێزەیل هاوپەیمانی دووپات کردن ک ئەو ناوچە هیچ جەنگیگ ئاسمانی وەخوەی نەیە، ئەراوە هەر وە بیسەروشوون دریا قەڵەم.
ئەتوان دو سانت ئیکزوبیری هەر وەبیسەروشوین لە قەڵەم دریا تا رووژیگ هات کابرایگ کتاویگ لە یادگاری رووژانەی خوەی بڵاو کرد< و وت: دی واز لە مینەکردن بارن، خوەم ئاگر لە سانت ئیکزوبیری وەشانم.
و ئەو کابرا فڕۆکەوانیگ بوی لە چەک ئاسمانی ئەڵمان، وەناو هۆرست ریبرت، قەت دڵی ئارام نەگرد چوینکە لە ٣١ تەمووز ١٩٤٤ نووسەرە نەختینەگەی خوەی کوشتگە، ک خاوەن رۆمان (شازادەی بویچگە) ک خود بکوشەگە لە هەوادارەیلی بوی.
