بازاڕ گەرمی تەڵای درووکانی لە سلێمانی
شەفەق نیوز/ گرانی نرخ تەڵا، و کەم توانای سەنین بڕیگ لە خەڵک سلێمانی، هیشت رۊ وەرەو سەنین تەڵای درووکانی بکەن.
کامەران ئەحمەد خاوەن دوکان فرووشتن تەڵای درووکانی ئەرا ئاژانس شەفەق نیوز ئۊشێد: گرانبۊن تەڵا لە بازاڕەیل هیشت بازاڕ تەڵای درووکانی گەرم بوود، ئەوەیش لەوەر کەمەوبۊن توانای سەنین لەلای مەردمەگە لەوەر قەیران مووچە و پەتای کۆرۆنا، و ئەو قەیرانیەل ئابووری.
محمد ئەنوەر ک خوەی بازرگان تەڵای درووکانیە، ئەر ئاژانس شەفەق نیوز ئۊشێد: رۊکردن وەرەو زەنینی لەوەر گرانی نرخ تەڵا هاتگە ک وەگەرد گرانبۊن چشتەیل کەرەستەیش گردەو بۊیە، و ئەوەیش هیشت توانای سەنین مەردمەگە کەمەو بوود،بک بەشیگ لەلیان توانای چشتە گرنگەیلە نامەیەکدا بڕەسێدە تەڵا.
محمد عومران هاووڵاتییگە هاتیەسە بازاڕ تا چشتەیلیگ ئەرا دەزۊرانیی بسینێد، ئەویش ئەرا ئاژانس شەفەق نیوز ئۊشێد: توانای سەنین لەلای زیاتر لە ٤٠% خەڵک هەرێم لەوەر قەیرانەیل پشتاوپشت دۊای بڕین بڕین مووچەیلە لەبەغدا داوەزیا، ک هیشت هەکاتی خوەمیش پەنا وە سەنین تەڵای درووکانی بوەیمن.
هەمیشە تەڵای رادیەگە وە بریقەدار رەنگینی هەر جۊر نشانەیگ ئەرا دەوڵەمەنی و ماڵداری مینێد، و تەڵای درووکانییش ئمڕوو بۊیەسە ماڵداری خاوەن داهاتە کەمەیلە تا شۊن تەڵا بگرێد.
