باڵابەرزترین خانم لە جەهان کووچ دویایی کرد
2024-01-28T08:24:57+00:00
شەفەق نیوز/ شیاو مۆ تەمەن 23 ساڵان کە باڵابەرزترین خانم بوی لە جەهان وە بارودۆخ نائاسایی کووچ دویایی کرد.
وەپای زانیاریەیل ماڵپەڕ "زە سەن"، ئەو خانمە لە ١٥ مانگ یەک تویش بیماریگ هاتیە وە مدوو سەرما لەئەنجام بویەسە هووکار مردنی.
مۆ لە بەرنامەی "Douyin" چینی وەناوبانگ بوی، وە مدوو بڵاوەوکردن ڤیدیۆگانی کە لە ژیان رووژانە تووماریان کردبوی.
وەپای راپۆرتەیل میدیا ناوخوەیەگان بەرزی باڵای چوار سانتیمەتر لە ئاسارەی NBA یاو مینگ بەرزتر بویە کە بەرزی باڵای ئەو بازیکەرە رەسێدە ٢.٢٩ مەتر.
مۆ تویش بڕیگ بیماری هاتیە جویر گیچەڵ دڵ و نوڕین کە پەیوەنی وە باڵابەرزیەگەی داشتیە.
شیاو مۆ خەڵک شار شاویانگی چینە، باڵای ٧.٥ پێیە و زیاتر لە ١٥٢ هەزار فۆڵۆوەر لە پلاتفۆرم سۆشیال میدیاگان دیرێد.
