بی ئێم ماشینیگ دروسکرێد توانای ئاڵشتکردن رەنگ دیرێد
شەفەق نیوز/ کۆمپانیای "بی ئێم دەبلیو" راگەیان، جۊر نوویگ لە ماشین کارەبایی وەناو "ئەی ئێکس" خستیەسە رۊی ک توانای ئاڵشتکردن رەنگ خوەی دیرێد.
ماشینە نووەگە لە چوارچێوەی پێشانگایگ تەکنەلۆجیا ئەلیکترۆنیەیلە نمایشکریایە، ک تۊەنێد رەنگ خوەی لەنوان تۆنەگان چەری و رەساسی و وە پێچەوانەوە ئاڵشتبوود، ئاڵشتکردن رەنگەگەیش تەنیا لە ری یەک دوگمە کریەێد، وە وەکارهاوردن تەکنیک نوو ئەلیکترۆنیگ لە رۊپوش دەێشتی.
ئەرا ئاڵشتکردن رەنگەگەی تۊەنیەێد لە ری مۆبایل ئاڵشتبکریەێد، باوجی لە ئایندە ئی تایبەتمەنییە لەری ماشینەگە وەکارتێد.
ئاشکەرای کرد، تۊەنێد لە ری ئاڵشتکردن رەنگ کەمتر وزە وەکاربارێد وەپای ئەوەیش تۊەنێد لە رووژەیل خوەر رەنگ خوەی بکەێدە چەرمگ و لە رووژەیل زوقوم ئەرا سیا ئاڵشت بکەێد.
رۊپووشە ئەلکترونی ماشینەگە لە پەیمانگای "ماساچوستەتس" تەکنەلۆژی وە جۊریگ پەرە وەپی دریایە ک ملیۆنەها کەبسول بۊچگ وە قەبارەی مۊ سەر ئایەم گرێدەخوەی.
