بێرنارد ئارنۆ کەفێدە نوای ئیلۆن مەسک و بویە دەوڵەمەنترین کەس لە جەهان
2024-01-29T10:41:59+00:00
شەفەق نیوز/ ملیاردێر و سەرۆک جیوەجیکار کۆمپانیای جەهانی پرتاڵ لوکس LVMH کە براندەیێ ڤیتۆن گرێدە خوەی، بێرنارد ئارنۆ، ئیرنگە بویە دەوڵەمەنترین پیاو لە جەهان کەفتە نوای مەسک.
وەپای گۆڤار فۆربێس، سامان ئارنۆ و خێزانەگەی بەرزەوبویە ئەرا ٢٠٧.٨ ملیار دۆلار دویای ئەوەگ رووژ جومعە ٢٣.٦ ملیار دۆلار لە سامانەگەی زیایکرد، لەوەختیگ سامانەگەی ئیلۆن مەسک ٢٠٤.٥ ملیار دۆلارە.
وەپای لیست وەختانەی راستەقینە فۆربێس، ١٠ دەوڵەمەندترین کەس جەهان بریتین لە:
بێرنارد ئارنۆ و خێزانەکەی ٢٠٧.٦ ملیار دۆلار .
ئیلۆن ماسک ٢٠٤.٧ ملیار دۆلار .
جێف بیزۆس ١٨١.٣ ملیار دۆلار .
لاری ئێلیسۆن ١٤٢.٢ ملیار دۆلار .
مارک زوکەربێرگ ١٣٩.١ ملیار دۆلار.
وارن بافێت ١٢٧.٢ ملیار دۆلار .
لاری پەیج ١٢٧.١ ملیار دۆلار .
بیل گەیتس ١٢٢.٩ ملیار دۆلار
سێرگی برین ١٢١.٧ ملیار دۆلار .
ستیڤ بالمەر ١١٨.٨ ملیار دۆلار.
