بەرزترین درەخت کشوەر ئاسیا لە هەرێم تیبت پەیاکریا
2023-06-27T09:20:55+00:00
شەفەق نیوز/ درەخیگ (سایپرێس) گەپیگ لە کەنداڵەیل تیبت پەیاکریا، وە بەرزترین درەخت لە کشوەر ئاسیا و دویەم بەرزترین درەخت لە جەهان دانریەد.
درەختەگە بەرزییەگەی 102مەترە و لە مانگ ئایار ئمساڵ لە دارسانەیل شارۆچگەی (بۆم) لە هەرێم تیبیت وە لایەن لێکۆڵەرەیل دەسنیشان کریایە، هەرچەن تا ئیسە جویر درەختەگە وەتەواوی دەسنیشان نەکریاگە، باوجی میدیایەیل چین وە درەخت سایپێس هیمالایا یاخود سایپرێس تیبیت ناوی بوەێد.
