پیاویگ وە هووکار ئەڵاجەۊییگ ماشین خوەی تەقنێد
2021-12-22T08:00:33+00:00
شەفەق نیوز/ پیاویگ فینلەندی دۊیای چەن جاریگ خەراوبۊین ماشینەگەی ک لە جۊر تێسلایە، لە خاسەوکردنی بیزار بوود و تەقنێدەی.
وەگورەی هەواڵیگ لە وێبسایت "رائج"، تۆماس کاتاینن، ماشینە کارەباییەگەی ک لە جۊر تیسلا (S 2013)س و زیاتر لە 22 هەزار دۆلار لە سەنین پاتری نوو ئەرا ماشینەگەی خەرج کردیە.
سەرەڕای خەرجکردن ئی بڕە پۊیل فرە لە خاسەوکردنی، ماشینەگەی نێکەفێدە کار و ئەویش لە بیزاری بڕیار دەێد بتەقنیدەی.
تۆماس لە تەقانن ماشینەگەی 30 کیلۆگرام تەقەمەنی وەکارتیرێد و ڤیدیۆی تەقانن ماشینەگەی لە یوتیوب بڵاوکەێد و لە ماوەی کەمیگ زیاتر لە یەک ملیۆن تەماشاکەری بوود.
