پیاویگ یە ٣٠ ساڵە هاناو دارسانەیل سەنگافورە
شەفەق نیوز/ سەنگافورە یەکیگە لە دەوڵەتە شارستانەیلە، باوجی یەکیگ لە هاووڵاتییەیلی فرە لەوە دۊرە، ک چادریگ لەناو یەکیگ لە دارسانەیل وڵاتەگە کردیەسە ماڵیگ ئەرا خوەی.
ئۆە گۆ سینگ، پیاویگە لە تەمەن ٧٩ ساڵان،
یە ٣٠ ساڵە کەسیگ وەپی نێزانێد، ک خوەی تەنیا لەناو ئەو دارسانە ژیانی بردیەسە سەر، دۊای ئەوە ک خودی و خیزانەگەی لە ئاوای سۆنجی تینجا بۊە، و لە هەشتایلە ماڵەیل ئاوایەگە رمانن تا شۊن ئەرا بیناسازی تەلارەیل بەرزیگ واز بکەن، و حکومەت ماڵەیل نوویگ ئەرا خەڵک ئەو ئاوایەیلە دروس کرد، باوجی ئۆە شۊنیگ وەدەسی نەکەفت.
باوجی براگەی شوقەیگ حکومەتی کەفتە بەشی، وداوا لە ئۆە کریا وەگەردی ننیشێد، وەلێ نەخوازیە خوەی بووڕێدە مل کەسیگ تر.
ئەراوە ئۆە چگە ناو دارسانیگ نزیک ماڵە کۆنەگەێ، و شۊنیگ ئەرا وەی دروس کرد، و دەسکردە سەوزە کاڵین، و رووژانە لە بازاڕ ئەو سەوزە فرووشێد.
