پیاویگ پاکستانی میخ کوتێدە سەر ژنیگ تا کوڕ بزاێد

شەفەق نیوز/ ژنیگ پاکستانی خوەی رەسانە خەسەخانە چۊنکە میخیگ لە سەری بۊ، ئەوەیش کابرایگ وەخاتر ئەوە ک کوڕیگ بزاێد کوتاسەی سەری.   

دکتۆر حەیدەر خان ک چارەسەر ژنەگە کەێد لە خەسەخانە، ئەرا ئاژانس فڕانس پڕس وت: ئەو ژنە هقتیەسە خەسەخانەی شار بیشاوەر، دۊای ئەوە ک نەتۊنستگە میخەگە لەسەر خوەی درارێد.  

وتیش: ژنەگە لە هووش خوەی بۊ، باوجی ژان فرەیگ لە سەری داشت، و لەناو تیشک سینی دەرکەفت ک میخەگە پەنج سانتیمەتر چقیاسە کەپووڵی، باوجی نەڕەسیەسە مەغزی.   

ژنە پاکستانیەگە وت: خوەی داڵگ سێ دۊتە، و دۊت چوارەمیش ها زگی.