ئاهەنگ سۊر لە ئۆکرانیا وەدەنگ دهوڵ جەنگ

شەفەق نیوز/ لەژیر کەلەمەی جەنگ، و رممەی تووپ، و سەختی ژیان، کارەیلیگ دڵخوەشی لە ئۆکرانیا توومار کریەن، تا وەرانوەر پەلامار سوپای رووسیا دڵیان قایمتر بوود.   

وەگەرد وایین نزیکەی یەک و نیم مەلیۆن ئۆکرانی وەرەو دەیشت وڵات، ئەو سۊرەیلە بڵاچەی ئومیدیگ پەیا کردن، وەرانوەر دۊەم وەهازترین سوپایل جەهان.     

لە نزیک خاڵ وەشکێنیگ لە کیێڤ  سەربازەیلە وەڕزارەو وسیان، تا ئاهەنگ سۊر لیسیا ئێڤاشینکۆ، خانمە ئەندام لە هێزەیل وەرگری هەرێمی ئۆکرانیا وەگەرد فالیری فیلیمونۆف جیگر فەرماندەی تیمەگەی بکەن، لە مەوقەیگ ک خەوەرەیلە نوقڵانەی گورزەیل رووسیا لەبان وڵاتیان دەن.     

وە ماچیگ لەناو ئاواز مۆسیقا،  دەنگ کیڤەی فڕۆکەیل ئاسمان، پرشەی نیمچە خوەشییگ دەێدە رۊ سەربازەیل.