پەیامیگ لەناو بوتڵ شویشە ٣٠٠ کێلومەتر بڕێد
2023-03-01T09:07:07+00:00
شەفەق نیوز/ پیاویگ لە کناراو ساوت ویڵز خوەرهەڵات ئوسترالیا، پەیامیگ لەناو بوتڵیگ شویشە پەیا کرد، دویای ئەوە دەرکەفت ک ٣٠٠ کێلومەتر بڕیە.
سکوت گوترسون ک لەناو ئاوەگە مەلەوانی کردیاد، لە خەلیج گیرفس، وت: هەنای ئەو شویشە پەیا کردیە پلیگاگە وە سەدەف، و لەناوی پەیامیگ کاغەز هەس.
وەگورەی پۆستەکەی گوترسون لەبان فەیسبووک وت: پەیامەگە لە دویەتیگ وەناو ڤیکی، لەناو نویسایە ک باوگی ک کار دەریاوانی کەێد، لە دویادویای ساڵ ٢٠٢٠ وەشانیەسەی زەریا.
ڤیکی نویسایە: تەمەنم ١٠ ساڵە، و ئمڕوو ٤ تەشرین دویەم ٢٠٢٠ە، ومن لە ٣٠ کانوون یەکەم لەداڵگبویمە.
گوترسون وتیش: زانیاری ئەرا پەیوەندیکردن لەناو پەیامەگە نویسایە، و خوەی پەیوەندی وەرد ڤیکی کردگە، ک ئیرنگە تەمەنی ١٢ ساڵانە، و هەمیش پەیوەندی وەگەرد باوگی کردیە.
لەبان فەیسبووک نویسان: باوگەگە بڕوا نەکرد هەنای وتم پەیامەگەی دویەتەد هاناو دەسم، و هەنای نوین پەیاکردن شویشەگە وەپی دام.
گوترسون وت: خوازێد وەدەس خوەی پەیامەگە بەێدە کەس ئەو خانەوادە.
