٥ چالاکوان پەیکەریگ لە موزەخانەیگ هۆڵەندی دزن

شەفەق نیوز/ پۆلیس هۆڵەندی، دویەکە، پەنج جالاکوان لە نزیک شار نیمیخن  دەسگیر کرد، دویای دزیکردن پەکەریگ لە موزەخانەگە، جوور ناڕەزایەتییگ لە دزیکر کارە هونەریەگان گەلەگە لەلایەن داگیرکەر.

چالاکوانەگان ک وەزوان فەڕەنسی قسەکەن، و مەزەنەیە خەڵک کۆنگۆ بوون، پیرەکە، کورتە ڤیدیۆیگ لەبان ماڵپەڕ یوتیۆپ بڵاو کردن، لەناوی خوەیان وەگەرد پەیکەرەگە لە هۆڵ موزەخانەی ئەفریقی لە شار بیرخ ئین دال نشان دەێد، وەرجەیە پۆلیس بڕەسێد ئەرا دەسگیرکردنیان، و چالاکوانەگان لە پارچە ڤیدۆگە دیاریکردن ک موزەخانەگە دەور نیم مەلیون ئاسەوراری هاناوی، لە مەوقەی داگیرکردنەگە، لە ئەفریقیا دزیانە، ستیجن شوندیرۆرد و وەڕێوبەر موزەخانە ئەفریقیەگە،  وەزوان خوەی لە ئیزگەی هۆڵەندی ئاشکراکرد؛ ک وەڕاسیەو موزەخانەگە کارەیلیگ هونەری دزریاگ هاناوی.